Umpasa Batak Toba Manjalo Tintin Marangkup

Hispage.info – Umpasa Batak Toba Manjalo Tintin Marangkup, Umpasa Batak Toba Manjalo Tintin Marangkup

Umpasa Batak Toba Manjalo Tintin Marangkup

Horas!! Breinhard_blog akan mengulas umpasa batak ataupun dalam bahasa Indonesia berarti pantun,semoga bermanfaat
UMPASA MANJALO TINTIN MARANGKUP.(Untuk pasangan saat tukar cincin)i. Bulung namartampuk, bulung ni simarlasuna,Nunga hujalo hami tintin marangkup,Dohonon ma hata pasu-pasuna
ii. Hot pe jabu i, tong doi margulang-gulangSian dia pe mangalap boru bere i, tong doi boru ni Tulang.
iii. Sai tong doi lubang nangpe dihukkupi rere,Sai tong doi boru ni Tulang, manang boru ni ise pei dialap bere.
iv. Amak do rere, dakka do dupang,Anak do bere, Amang do Tulang.
v. Asing do huta Hullang, asing muse do huta Gunung Tua,Asing do molo tulang, asing muse do molo gabe dung simatua.

UMPASA TU NA BARU MARBAGAS (Untuk pasangan yang baru menikah)i. Dakka ni arirang, peak di tonga onan,Badan muna naso jadi sirang, tondi mu marsigomgoman
ii. Giring-giring ma tu gosta-gosta, tu boras ni sikkoru,Sai tibu ma hamu mangiring-iring, huhut mangompa-ompa anak dohot boru.
iii. Rimbur ni Pakkat tu rimbur ni Hotang,Sai tudia pe hamu mangalakka, sai tusima hamu dapot pansamotan.
iv. Dekke ni sale-sale, dengke ni Simamora,Tamba ni nagabe, sai tibu ma hamu mamora.
v. Sahat-sahat ni solu, sahat ma tu labuan,Sahat ma hamu leleng mangolu, jala sai di dongani Tuhan.
vi. Sahat solu, sahat di parbinsar ni ari,Leleng ma hamu mangolu jala di iring-iring Tuhan ganup ari.
vii. Mangula ma pangula, dipasae duhut-duhutMolo burju marhula-hula, dipadao mara marsundut-sundut
viii. Ruma ijuk tu ruma gorga,Sai tubu ma anakmuna na bisuk dohot borumuna na lambok marroha
ix. Anian ma pagabe tumundalhon sitodoan,Arimu ma gabe molo marsipaolo-oloan.
x. Gadu-gadu ni Silindung, tu gadu-gadu ni Sipoholon,Sai tubu ma anakmuna 17 dohot borumuna 16.
xi. Andor hadukka ma patogu-togu lombu,Sai sarimatua ma hamu sahat tu na patogu-togu pahoppu.

UMPASA MANGAMPUBulung ni Taen tu bulung ni TulanBa molo tarbahen, sai topot hamu hami sahali sabulan,Molo so boi bulung ni tulan, pinomat bulung ni salaonBa molo so boi sahali sabulan, pinomat sahali sataon.
Ni durung si Tuma laos dapot Pora-poraMolo mamasu-masu hula-hula mangido sian Tuhan,Napogos hian iba, boi do gabe mamora.
Songgop si Ruba-ruba tu dakka ni Hapadan,Angka pasu-pasu na ni lehon muna,Sai dijangkon tondi ma dohot badan.
Mardakka Jabi-jabi, marbulung ia si TulanAngka pasu-pasu na pinasahat muna,Sai sude mai dipasaut Tuhan.
Naung sampulu sada, jumadi sampulu tolu,Angka pasu-pasu pinasahat muna,Sai anggiatma padenggan ngolu-ngolu.
Naung sapulu pitu, jumadi sapulu ualu,Angka pasu-pasu pinasat muna hula-hula nami,Diampu hami ma di tonga jabu.
Turtu ninna anduhur, tio ninna lote,Angka pasu-pasu pinasahat muna,Sai unang ma muba, unang mose.
Habang pidong sibigo, paihut-ihut bulan,Saluhut angka na tapangido, sai tibu ma dipasaut Tuhan.
Obuk do jambulan, nidandan ni boru SamaraPasu-pasu na mardongan tangiang sian hula-hula,Mambahen marsundut-sundut soada mara.
Tinapu bulung nisabi, baen lompan ni pangulaSahat ma pasu-pasu na nilehon muna i tu hami,Sai horas ma nang hamu hula-hula.
Suman tu aek natio do hamu, riong-riong di pinggan pasu,Hula-hula nabasa do hamu, na girgir mamasu-masu.

AKKA UMPASA NA ASINGi. Martahuak ma manuk di bungkulan ni ruma,Horas ma hula-hulana,songoni nang akka boruna.
ii. Simbora ma pulguk, pulguk di lage-lage,Sai mora ma hita luhut, huhut horas jala gabe.
iii. Hariara madungdung, pilo-pilo na maragar,Sai tading ma na lungun, ro ma na jagar.
iv. Sinuan bulu sibahen na las,Tabahen uhum mambahen na horas.
v. Eme ni Simbolon parasaran ni si borok,Sai horas-horas ma hita on laos Debata ma na marorot.
vi. Sititik ma sigompa, golang-golang pangarahutna,Tung so sadia pe naeng tarpatupa, sai anggiat ma godang pinasuna.
vii. Pinasa ni Siantar godang rambu-rambuna,Tung otik pe hatakki, sai godang ma pinasuna.
viii. Tuat si puti, nakkok sideak,Ia i na ummuli, ima ta pareak.
ix. Aek godang tu aek laut,Dos ni roha sibaen na saut.
x. Napuran tano-tano rangging marsiranggongan,Badan ta i padao-dao, tondita i marsigomgoman
xi. Marmutik tabu-tabu mandompakhon mataniari,Sai hot ma di hamu akka pasu-pasu, laho marhajophon akka na sinari.
xii. Bona ni pinasa, hasakkotan ni jomuran,Tung aha pe dijama hamu, sai tong ma dalan ni pasu-pasu.
xiii. Mandurung di aek Sihoru-horu, manjala di aek Sigura-guraUdur ma hamu jala leleng mangolu, hipas matua sonang sora mahua.
xiv. Dolok ni Simalungun, tu dolok ni SimamoraSalpu ma sian hamu na lungun, sai hatop ma ro si las ni roha.
Sekian

Terima Kasih Atas kunjungan anda di halaman  Umpasa Batak Toba Manjalo Tintin Marangkup, Jangan lupa untuk Membookmars Halaman ini jika  Umpasa Batak Toba Manjalo Tintin Marangkup berguna untuk anda.

Leave a Reply

Your email address will not be published. Required fields are marked *